Башҡорт телендә диктант яҙабыҙ

БСТ, “Тамыр” телеканалдарында, “Ашҡаҙар” радиоһында, ойоштороусыларҙың рәсми сәхифәһендә һәм йәмәғәт селтәрҙәрендә сара Өфө ваҡыты буйынса 11 сәғәттә башлана. Һәр ҡатнашыусы диктантты өйәндә үҙ аллы яҙа ала. Онлайн ҡатнашыусыларҙың эштәре bashdiktant.ru/ рәсми сәхифәһендә, шулай уҡ “Мах” мессенджерында @bash_diktant_bot чат-боты аша 2026 йылдың 17 апреленә 23.59 сәғәткә тиклем (Өфө ваҡыты буйынса) ҡабул ителәсәк. Диктант ошо дәрәжәләр буйынса үтәсәк: 11.00-11.25 сәғәттә– башҡорт телен башланғыс кимәлдә үҙләштергән ҡатнашыусылар өсөн; 11.30-12.00 сәғәттә – башҡорт телендә ирекле аралашыусылар өсөн; 12.05-12.30 сәғәттә – башҡорт теленең төньяҡ-көнбайыш диалектында диктант яҙыусылар өсөн. Офлайн ҡатнашыу өсөн сараның рәсми сәхифәһендә “Майҙансыҡтар” бүлегендә майҙансыҡты һайларға һәм алдан теркәлергә кәрәк. Сарала теләге булған һәр кем ҡатнаша ала.