Радий Хәбировтың яңы йыл каникулдарын ҡайҙа һәм нисек үткәрергә йыйыныуы билдәле булды

«Мин республикала булам, быны мин бөтә муниципалитет башлыҡтарына әйтәм. Бер-ике көн йоҡлайым да шунан кемгәлер көтмәгәндә ҡунаҡҡа килермен», – тине республика етәксеһе.

26 декабрҙә Радий Хәбиров Башҡортостан юлдаш телеканалындағы Яңы йыл алдынан ойошторолған «Ҡатын-ҡыҙ бәхете биләмәһе» телемарафонында ҡатнашты. Кулинар һәләттәре менән билдәле республика етәксеһе печенье өсөн ҡамырҙы оҫта итеп йәйҙе.

«Был – бик етди мәсьәлә, тәжрибә йәш менән килә, барыһына ла тиҙ генә өйрәнеп булмай», – тине Башҡортостан Башлығы. Радий Хәбиров яҡындарының мөхәббәтен, иҫән-һаулығын һәм йәнәшәлә булыуҙарын ҡатын-ҡыҙ өсөн иң яҡшы бүләк тип һанай. «Барыһы ла үҙ йорттарында шыршы янында йыйылһын, бер-береһенең йылыһын тойһон, киләсәккә өмөт менән ҡараһын ине», – тигән теләктәрен еткерҙе ул.

Башинформ.