+20 °С
Облачно
Новости
2 Августа 2018, 14:53
Беҙҙекеләр Женеваны гөрләтте
Беҙҙең байрамды Европала ла беләләр
Беҙҙең байрамды Европала ла беләләр
Быйыл мин, ҡыҙғанысҡа ҡаршы, Туймазыла һабантуйҙа була алманым. Әммә миңә июнь айында Женевала үткән байрамда ҡатнашырға форсат тейҙе.
Сара үткәрелгән иҫ киткес, йәм-йәшел майҙансыҡ баштан уҡ күңел-гә ятты. Әйтерһең дә мин Швейцарияла түгел, ә үҙ Башҡортостанымда йөрөйөм. Тыуған илемдең меңдәрсә саҡрымдарҙа ятыуы, тирә-йүндәгеләрҙең сит – француз, итальян, немец һәм башҡа телдәрҙә һөйләшкәне генә асылыма ҡайтарҙы. Әммә әле бер, әле икенсе яҡтан башҡортса ауаздар ҙа ишетелеп тороуы күңелгә аңлата алмаҫлыҡ тойғо өҫтәне.
Ҡунаҡтар күп кенә ине – кемдер ғаиләләре, дуҫтары менән килгән. Һабантуй күңелле, йылы мөхиттә үтте. Уны сараны ойоштороусы бер туған апалы-һеңлеле Йәнтуриналар рус, башҡорт, француз телдәрендә алып барҙы.
Концерт программаһы бай һәм төрлөлөгө менән айырыла ине. Йола буйынса һабантуйҙа ғына үткәрелә торған уйындарҙа, конкурс һәм ярыштарҙа башҡорт милләте генә түгел, ә күп кенә сит ил вәкилдәре лә әүҙем, теләп ҡатнашты. Хатта милли көрәштә лә көс һынашыусылар
табылды. Уларҙың беҙҙең ғөрөфғәҙәттәр, йолалар менән ҡыҙыҡ-һыныуҙары күңелгә ятты.
Көн буйына барған сарала ҡатнашыуым миңә өйҙә булған кеүек тәьҫир итте. Үҙенең йола һәм ғөрөф-ғәҙәттәренә һаҡсыл ҡараған һәм һаҡлаған халҡым өсөн миндә ғорурланыу тойғоһо уянды.
