"Шайтан ҡотортто" - Туймазы районында 67 йәшлек ир ҡатынына ут төртә

Дүшәмбе, 19 майҙа, ире бәхәс ваҡытында бензин һибеп яндырған 63 йәшлек ҡатындың үлеүе билдәле булды. Табиптар, бөтә тырышлыҡтарына ҡарамаҫтан, уны ҡотҡара алмай. Бәхетһеҙ ҡатындың тәне 70 процентын тиерлек янған була.

Хәтерегеҙгә төшөрәбеҙ, фажиғә йома, 16 майҙа, киске сәғәт ун тирәһендә Дуҫлыҡ ауылында Йәшел урамындағы 6-сы йорт ихатаһында теркәлгән. 67 йәшлек иҫерек ир ҡатыны менән бәхәсләшкәндән һуң йортто яндыра. 86 йәшлек ҡатын - хужабикәнең әсәһе - һәләк була. Паралич һуҡҡан ҡатын өйҙән сыға алмай, үлә. Уның кәүҙәһен янғын һүндереүселәр таба.

Хужабикәнең иҫән ҡалыуына өмөт бар ине, әммә ул ауырыуҙы еңә алманы. Шишәмбе ауылда уны ерләнеләр.

63 йәшлек ҡатынды ғаиләһен шәхсән белгәндәр ҙә, был драматик тарих битараф ҡалдырмағандар ҙа уны оҙатырға килде.

– Ул насар кеше булды тип әйтә алмайбыҙ, - ти ауылдаштары. -  Өс бала тәрбиәләп үҫтерәләр. Икеһе лә бында 40 йыл тирәһе йәшәй, урындағы ҡошсолоҡ фабрикаһында эшләйнеләр. Яҡшы, эшсән кешеләр. Пенсионерҙар. Бер ҡасан да уларҙың һүгенеүен ишетмәнек. Уларҙың балалары үҙҙәре лә ғаиләле, беҙҙең ауылда йәшәйҙәр.

... Ирле-ҡатынлы Сәлихйән Һәм Рим Т. йәшәгән йорт ауыл үҙәгендә урынлашҡан. Фажиғә тураһында янған фасад ҡына хәтерләтә. Ихатала янғын ваҡытында кемдер алып сыҡҡан бүлмә сәскәләре менән мебель һәм вазондар ята. Хужабикә сәскәләрҙе бик яратты, тиҙәр. Ут ихата ҡаралтыларына – гаражға, мунсаға, һарайға ҡағылмай. Бында эшһөйәр кешеләр  йәшәгәнлеге күренә - һәр ерҙә тәртип… -Ул көндө күрше өҙ генә эскән ине, бер ни ҙә сәйер күренмәне. Ә кис мин эшкә киттем. Һуңынан таныштарым шылтыратты, янғын тураһында һөйләне. Мин бер ҡасан да күршем шулай эшләйәсәк тип уйламаҫ инем. Шаһиттар әйтеүенсә, ул янғындан һуң йорт янында ер өҫтөндә ултырып,  ҡысҡырып көлә башлаған.

Ауыл советы хакимиәтендә был ғаилә тураһында тик яҡшы һөйләйҙәр.

"Әллә нимә эсәләр, ә һуңынан ошондай хәл тыуа» - беҙҙең һөйләшеүҙе ишетеп, үтеп барған бер ҡатын-ҡыҙҙы күреп ҡалдыҡ.

РФ ТӘФТИШ КОМИТЕТЫНЫҢ БР буйынса тәфтиш идаралығының район-ара тәфтиш бүлеге начальнигы Эдуард Казимов хәбәр итеүенсә, ир һаҡ аҫтына алынған. Ул ике йәки унан күберәк кешене үлтергән өсөн 105 – се статья буйынса ғәйепләнә.