Туймазынан яугир ағалары артынан МХО-ға яғына китә

Урмансы позывнойлы яугир 2023 йылдың авгусында оборона министрлығы менән контракт төҙөй. Ул мобилизацияланған ике туғаны артынан китә.

- Улар киткәс, мин оҙаҡ ваҡыт үҙемә урын тапманым, - тип һөйләй ир.

 Хәрби комиссариатҡа барып, контрактҡа ҡул ҡуйырға теләүе тураһында белдерә һәм улар янында хеҙмәт итеүҙе һорай. Армиянан һуң урман хужалығында бер аҙ эшләгәнлектән, үҙенә Урмансы позывнойын ала.

• Хәҙер беҙ ағай-энеләр менән бер-беребеҙгә яҡын хеҙмәт итәбеҙ һәм осрашабыҙ.

Яугир әйтеүенсә, уның тыуған ауылынан, унда бөтәһе 52 йорт, махсус операцияла ете кеше ҡатнаша.

 - Хеҙмәт итергә барырғамы, юҡмы, оҙаҡ уйламаным, - тип дауам итә һалдат. - Беҙҙең ғаиләлә бөтә ир-егеттәр ҙә хәрби бурысын үтәне. Олатайым Илһам Ғәзиев Бөйөк Ватан һуғышында ҡатнашты. 20 йәшлек егет булып фронтҡа китә ул, уҡсы булып хеҙмәт итә, бөтә һуғышты үтә. 1943 йылда ҡаты яралана. I дәрәжә Ватан һуғышы ордены менән бүләкләнгән.

Урмансы хеҙмәт иткән подразделение стратегик объектты һаҡлай. Шулай уҡ, башҡа яугирҙар кеүек, ул ҡарауылға йөрөй, окоптар ҡаҙый, блиндаждар төҙөй.

Урмансының һуңғы эш урыны – Ильфа компанияһы, унда ул участка начальнигы булып эшләгән. Унда уны түҙемһеҙлек менән көтәләр һәм ярҙам итәләр - яугирҙар заказы буйынса төҙөлөш материалдары, аҙыҡ – түлек ебәрәләр.

Ул Тыуған ил, яугирҙар, мөхәббәт тураһында шиғырҙар яҙа. Өйҙә уны ике улы көтә. Береһе Ҡазанда университетта, икенсеһе Октябрьскийҙа техникумда уҡый. Улар менән ул һәр ваҡыт бәйләнештә. Аталары хәрби хеҙмәткә алынғанлыҡтан, ике егет тә бюджетта атай.

Урмансы йәштәрҙе патриотик тәрбиәләү, тыуған республика тормошонда ҡатнашыу менән шөғөлләнергә теләй.

Башҡортостанда РФ Оборона Министрлығы менән килешеүгә ҡул ҡуйғандарға бер тапҡыр бирелә торған түләү күләме 2 миллион һум тәшкил итә.

Контракт буйынса хеҙмәт итеү тураһында туймазылар 117, 122, 8 (347) 218-19-19 телефондары белә ала. Хәрби комиссариаттың адресы: Туймазы ҡалаһы, Аксаков урамы, 13. Телефондар: +7 (906) 373-00-21; 5-10-80.