Башҡортостанда МХО-ла ҡатнашыусыларҙы реабилитациялауға 90 миллион һум аҡса бүле

Тәүге ун кеше Өфөләге «Зеленая роща» шифаханаһы базаһындағы реабилитация үҙәгендә дауалана башланы ла инде. Программа медицина һәм психологик ярҙам, логопедия, социаль адаптацияны үҙ эсенә ала. Комплекслы реабилитация барышында һәр яугиргә индивидуаль ҡараш тәьмин ителәсәк, шул саҡта беҙҙең егеттәр мөмкин тиклем тиҙерәк әүҙем тормошҡа әйләнеп ҡайтасаҡ.

Бөгөнгө көнгә республиканан 6,5 меңдән ашыу кеше һәм уларҙың ғаилә ағзалары бушлай шифаханаға путевкалар алған да инде. Республикала яугирҙарға һәм уларҙың ғаиләләренә 40-тан ашыу ярҙам сараһы ғәмәлдә.