Туймазыла башҡорт теле һәм әҙәбиәте уҡытыусыһы рухи ҡиммәттәрҙе һаҡлаусылар рәтендә

Ләйсән Фәррәхова 14 йыл Туймазы районы мәктәптәрендә һәм балалар баҡсаларында башҡорт теле һәм әҙәбиәте уҡыта. Бер йыл элек ул 6-сы мәктәпкә килә. Ул  Туймазы педагогия колледжын тамамлаған.

• Әсәйем Руфия Хәмит ҡыҙы Ғәйзуллина 5-се мәктәптә башҡорт теле һәм әҙәбиәте уҡыта. 20 йыл элек ғаилә беҙҙең ҡалаға Шаран районынан күсеп килә. Ата-әсәйем Дәүләкән районынан. Ғаиләбеҙҙә һәр ваҡыт туған телдә һөйләшәләр. Башҡорт теле бик йомшаҡ, моңло, шиғри, – тип һөйләй 36 йәшлек педагог.

Быйы Ляйсән Флүр ҡыҙы «Йыл уҡытыусыһы» муниципаль конкурсында ҡатнашты һәм «Рухи ҡиммәттәрҙе һаҡлаусы» номинацияһында еңеүсе булды.

Асыҡ дәрестә ул милли кейем тураһында һөйләне.

• Кейем - йән көҙгөһө, тиҙәр. Бының менән ризалашмау ауыр, бигерәк тә милли кейем тураһында һүҙ барғанда. Унда халыҡтың йәне лә, бай тарихы ла сағыла. Башҡорт милли кейеменең һәр детале, һәр биҙәге тыуған яҡтың матурлығын иҫкә төшөрә, - ти педагог.

Ләйсән Флүр ҡыҙы дәрестәрҙә, класс сәғәттәрендә балаларҙы туған тел һәм мәҙәниәт донъяһына менән таныштыра.

- Уҡыусыларымдың туған башҡорт телен, ата-бабаларыбыҙҙың йолаларын яҡшы белеүен теләйем. Тамырҙарыбыҙ беҙҙе көслө итә, - тип ышана ул. - Башҡортостан башлығы Радий Хәбиров башҡорт телен һаҡлау һәм үҫтереү, уны популярлаштырыу һәм цифрлаштырыу буйынса күп эштәр башҡара. Хәҙер «Хомай» тигән аҡыллы колонка барлыҡҡа килде. Google компанияһының фирма тәржемә сервистарында башҡорт теле бар. Уҡыусыларҙың конкурстарҙа һәм фестивалдәрҙә тел һәләттәрен ҡулланыу мөмкинлеге бар, хәҙер улар бик күп. Туған телдәрҙе һаҡлау буйынса бындай сәйәсәт яҡшы үҫеш бирер, һәм йәштәр ҙур теләк һәм ҡыҙыҡһыныу менән туған телде өйрәнер, тип ышанам.