Туймазыла яугир ирекмән ҡатын-ҡыҙҙарға маскировка селтәре өсөн рәхмәт белдерҙе

Татар драма театрында урынлашҡан «Маскита» клубы ирекмәндәрендә Миңлеғәле Шайморатов исемендәге батальон яугиры Сәлим ҡунаҡта булды.

Контрактлы көрәшсе әле ҡыҫҡа ваҡытлы ялда, шул ваҡытта ул ирекмәндәрҙе күрергә ҡарар итә.

Сәлим һүҙҙәренсә, маскировка селтәрҙәре ярҙамында батальон хәрбиҙәренең кәм тигәндә 10 ғүмере ҡотҡарылған. Ә күпме яугирҙы маскировка селтәрҙәре һәм костюмдары ҡотҡарған, бер кем дә иҫәпләмәгән.

Был һүҙҙәр ирекмәндәрҙе рухландыра, улар бөтә буш ваҡытын яугирҙарға  ярҙам итеүгә бағышлай.