Һалдат аҙығын өй ризығы менән сағыштырып булмай. Шуға күрә туймазылар СВО-ла хеҙмәт иткән яҡташтарына тәмлерәк аҙыҡ ебәрергә тырыша. Үҙ ҡулдары менән туралған туҡмас, сәк-сәк, бал ебәрәләр. Күптән түгел Туймазы яугирҙәре Имән-Күпер ауылы кешеһе Рәмзил Муллағәлиев әҙерләгән 140 банка һыйыр ите тушенкаһын алды.
Рәмзил Рөстәм улы 15 йыл мал һәм аттар үрсетеү менән шөғөлләнә. Фермерҙың даими һатып алыусылары ла бар.
– Тирә-яҡтағыларҙың егеттәргә нисек тә булһа ярҙам итеүен күрәм бит, - ти Рәмзил Рөстәм улы. Кемдер селтәрҙәр бәйләй, шәмдәр эшләй, посылкалар ебәрә. Ә мин ит етештерәм - яҡшы, майлы. Ниңә яугирҙарҙы һыйламаҫҡа?
Фермер таныштары һәм туғандары буйынса банкалар йыя, ҡапҡастар һатып ала. Ярҙамға туғандарын саҡыра. Әсәйем – 75 йәшлек Миңзилә Миңлебай ҡыҙы ла ярҙам итте.
200 килограмм иттән 140 банка тушенка килеп сыға. Уны эшләү өсөн ике көн кәрәк була.