Туймазыла ҡатындар 23 февралгә ирҙәренә нимә бүләк итеүҙәре хаҡында һөйләне

Туймазы ҡала пабликтарының береһендә һорау алыу үткәргәндәр, урындағы ҡатын-ҡыҙҙар Ватанды һаҡлаусылар көнөндә ир-егеттәренә нимә бүләк итергә йыйына.

Иң популяр яуап - парфюм. Шулай уҡ ир-егеткә афған ҡаҙаны, киноға йәки кафеға барырға, ойоҡбаштар, инструменттар йәки электр ҡырынғыстар, романтик киске аш, хоккейға билет һәм колбаса изделиеларынан гөлләмә бүләк итергә кәңәш иттеләр.

Иң ғәҙәти булмаған тәҡдим - уйын аҙағында әкиәт, йомаҡтар менән квест рәүешендә бүләк. Тағы ла бер ҡыҙыҡлы вариант - СПА-ға бергәләп барыу.