Туймазыла инфекция бүлексәһендә сысҡан биҙгәгенә шик менән 112 кеше ята

Медиктар хәбәр итеүенсә, Туймазы үҙәк район дауаханаһының инфекция бүлегенә сысҡан биҙгәгенә шик менән 112 пациент дауаханаға һалынған. Уларҙың 45-ендә «сысҡан биҙгәге» диагнозы раҫланған да инде. Пациенттарҙың күбеһе - Серафимовка ауылынан. Октябрь-ноябрь айҙарында сысҡандарҙың сысҡан биҙгәге вирусын йөрөтөүселәрҙең һалҡындар башланыу менән торлаҡҡа ынтылыуы менән бәйле. Тирә-яҡ мөхиткә вирус инфекциялы сысҡандарҙың бүлендектәре менән эләгә. Биналарҙы таҙартҡанда, зарарланған сысҡан экскременттары булған иҫке ҡаралтыларҙы һүткәндә йышыраҡ зарарлана халыҡ.

Зарарланғандан алып тәүге билдәләр күренгәнгә тиклемге осор 2-3 аҙна дауам итә. Һуңынан температура 39-40 градусҡа тиклем күтәрелә, биҙгәк 5-7 көн дауам итә, баш һәм мускулдар ауырта, бил ауырта башлай.

Сысҡан биҙгәгенең тәүге билдәләре беленеү менән табипҡа мөрәжәғәт итергә һәм уны өйгә саҡырырға кәрәк. Был ауырыуҙан вакцина йәки үҙенсәлекле иммуноглобулин юҡ. Уны иҫкәртеү өсөн дөйөм санитар һәм гигиена ҡағиҙәләрен үтәргә, шул иҫәптән сысҡандарҙы ваҡытында юҡ итергә кәрәк.