Изюм эргәһендә ҡыҙыу булды

Рөстәм Рәхимов - донъяла иң тыныс һөнәр вәкиле. Ул табип. Отоларинголог. Туймазы үҙәк район дауаханаһында 30 йылдан ашыу эшләгән. Ғаиләһе бар, өс ҡыҙы. Махсус хәрби операция башланғас, үҙ теләге менән Донбасҡа юллана.

- Украиналағы хәл-ваҡиғаларҙы иғтибар менән күҙәттем һәм бер көндө минең фекеремдә үҙемдең урыным унда, тигән фекер тыуҙы, - ти 58 йәшлек ир. - Мин хәрби-медицина институтын тамамлаған, запастағы офицер. Кемгә алдынғылыҡҡа сыҡмаҫҡа инде. Ринитты тыныс шарттарҙа дауалау - бик яҡшы, әммә мин кешеләрҙе ысын хәүефтән ҡотҡарырға теләнем.

Хәрби комиссариатҡа барҙым. Мине алдылар. Тиҙләтелгән әҙерлек үткәндән һуң, мине Киев йүнәлешенә ебәрҙеләр. Артымда Калашниковтың автоматы эленеп торҙо, ләкин уны һуғышта ҡулланырға тура килмәне. Минең төп бурысым һалдаттарҙы беренсе медицина ярҙамы күрһәтеү оҫталығына өйрәтеү ине. Нисек итеп жгут һалырға, повязкалар яһарға... Улар ҙа мине күп файҙалы нәмәләргә, мәҫәлән, ярты сәғәт эсендә яланда окоп ҡаҙырға өйрәтте.

Апрелдә, Изюм ҡалаһына күсергәндән һуң, беҙҙең позицияларҙы гаубицалар менән эшкәртә башланылар. Унда бик күп һалдатар яраланды. Мин уларға беренсе медицина ярҙамы күрһәтеп, хәүефһеҙ урынға ебәрҙем. Ғөмүмән, яраланғанда һалдат үҙе йәки иптәштәре ярҙамында төтөнлө шашка ҡабыҙа һәм мөмкин тиклем яҡыныраҡ эвакуация урынына барырға тырыша, унда санитар вертолет осоп килә йәки машина килеп етә ала.

Шундай алыштарҙың береһендә Рәхимов үҙе яралана һәм контузия ала. Нимә эшләнең?

 - Яраны ҡыҫып тоттом. Вертолет бер нисә минут эсендә килде. Мине һәм тағы бер нисә яралыны хәрби аэродромға алып килделәр, унда госпиталь урынлашҡан ине. Унда миңә операция яһанылар - ярсыҡты алып ташланылар. Хирургтар - үҙ эшенең оҫталары.

Рөстәм Рәйес улы Туймазыла дауаланыуын дауам итте, ә 10 октябрҙә йәнә Украинаға юлланды. Контузия эҙемтәләре үҙен һиҙҙерә һаман, әле ул хәрби комендатураһы ҡарамағында ҡалды, ул унда диспетчер, бер үк ваҡытта хәрбиләштерелгән һаҡта медицина хеҙмәткәре булып эшләй.