+22 °С
Ясна
События и факты
18 Апрель 2022, 09:52
Туймазынан һигеҙенсе класс уҡыусыһы мини-ракета, аэростаттар төҙөй
Туймазының 7-се мәктәбе уҡыусыһы Вадим Әминев ағаһы Марсель һәм атаһы Руслан Марат улы менән бер нисә аҙна ракетаны осороу өҫтөндә эшләне - пропорциялар иҫәпләй, схемалар һыҙа, яғыулыҡ-химик элементтарҙан ҡатнашма яһаны.
Ракетаны уңышлы осорғандан һуң сүп-сар өсөн ҡапсыҡтан аэростат, һуңынан аэроглиссер - амфибия-кәмәнең мини-версияһын яһайҙар. Аэроглиссер һыу өҫтөндә генә түгел, ҡар өҫтөндә лә еңел шыуа. Уны электр моторы хәрәкәткә килтерә, джостик ярҙамында идара итеп була.
Әминевтарҙың һуңғы асышы - парктроник нигеҙендә һуҡырҙар өсөн прибор, ул кеше атлағанда ҡамасаулаған әйберҙәр тураһында иҫкәртә.
- Миңә уйлап табыу, техника макеттарын йыйыу оҡшай, - ти Вадим. - Миңә атайым һәм ағайым ярҙам итә. Ә янығыҙҙа фекерҙәштәр булһа, эшкә тотоноу һәр саҡ күңеллерәк.
