Туймазы башҡорттары ҡоролтайы Бөтә донъя башҡорттары ҡоролтайы ойошторған махсус флешмобҡа ҡушыла!

Район ҡоролтайы етәксеһе Гәүһәр Фазуллина:
- Беҙҙең ғаилә һәр ун йыл һайын үҙебеҙҙе тарихҡа яҙып ҡалдыра торған сараның һорауҙарына яуап бирҙе. Сөнки Бөтә Рәсәй халыҡ иҫәбен алыу кампанияһы беҙҙең өсөн бик мөһим сара икәнен аңлайбыҙ.
Минең ғаиләм – башҡорт телендә һөйләшкән башҡорттар. Тормош иптәшем Туймазы районы Балтай ауылынан. Ул көндәлек тормошта башҡорт теленең төньяҡ-көнбайыш диалектын ҡуллана. Туған теле әҙәби башҡорт теле булмаһа ла, үҙен әйле башҡорто, тип иҫәпләй.
Балаларым өс сит телде белә – инглиз, итальян һәм немец телдәрен.