+15 °С
Ясно
События и факты
20 Октября 2021, 08:59
Туймазы районында 44,5 мең кеше вакцинация үтте
Районда коронавирус менән бәйле хәл тураһында оператив мәғлүмәт менән район хакимиәте башлығы Айҙар Суфиянов уртаҡлашты.
20 октябргә Туймазы районында коронавирус менән сирләүҙең 5,4 меңгә яҡын осрағы теркәлгән. Яҡынса 3,9 мең пациент һауыҡҡан. Әлеге ваҡытта 193 кеше ковид-госпиталдә дауалана. Тағы 1,3 мең кеше амбулатор шарттарҙа дауалана. Шул уҡ ваҡытта муниципалитетта халыҡты иммунлаштырыу дауам итә. Вакцинаның тәүге компонентына 44,5 мең туймазылар прививка яһалған. Вакцинацияның тулы курсын 39 мең кеше үткән. Тейешле мәғлүмәтте Туймазы районы етәксеһе Айҙар Суфиянов үҙенең сәхифәһендә баҫып сығарҙы.
