«Ялҡын» тағын юғарыла!

Октябрьский ҡалаһында Төбәк-ара «Распахнись, душа казачья!» казак мәҙәниәте фестиваль-конкурсы уҙҙы.

Быйылғы конкурста 259 кеше, шул иҫәптән Башҡортостан Рес-
публикаһы, Татарстан Респуб-ликаһы, Ырымбур өлкәһе һәм Һамар ҡалаһынан 20 ижад коллективы һәм 24 солист ҡатнашты.

Жюри иң яҡшыларҙы ете номинация буйынса билдәләне: фольклор вокал ансамблдәре, хорҙар, эстрада-фольклор коллективтары, солистар, профессиональ башҡарыусылар, хореография, инструменталь коллективтары. VII Төбәк-ара «Распахнись, душа казачья!» казак мәҙәниәте фестиваль-конкурсының еңеүселәре билдәләнде.

Шаран район мәҙәниәт йортоноң «Ялҡын» өлгөлө халыҡ бейеү ансамбле (етәксеһе Г. Фәрхетдинова) «Хореография» номинацияһында III дәрәжә лауреат булды, ул «Казачья плясовая» бейеүе менән сығыш яһаны.

«Ялҡын» ансамблен сираттағы еңеүҙәре менән ҡотлайбыҙ! Уларға сәләмәтлек, тыныслыҡ һәм именлек, яңы ижад уңыштары теләйбеҙ!