100 йәшлек юбиляр!

Уны ҡотларға килгән урындағы хакимиәт вәкилдәре Рәсәй президенты Владимир Путиндан һәм Башҡортостан Башлығы Радий Хәбировтан бүләктәр, ҡотлау хаттары тапшырҙы. Салмалы ауыл биләмәһенән «Аҡ шишмә» халыҡ ансамбле йөҙйәшәр инәй өсөн байрам концерты ойошторҙо.

Нәзиә Ғиниәтуллина 1925 йылдың 15 июнендә Шаран районының Үлекйылға ауылында тыуған. Тормош иптәше, Бөйөк Ватан һуғышында ҡатнашҡан Әмир Ғиниәтуллин менән бергә биш балаға ғүмер биргән. Бөгөн бәхетле инәй һигеҙ ейән-ейәнсәре һәм ун ике бүлә-бүләсәре хәстәрлегенә сорналып йәшәй.