Туймазыла йәшәүсе ҡатын бәшмәк миҙгелен ғинуарҙа асты

Бәшмәк артынан йәй һәм көҙ генә йөрөй алаһығыҙ тип уйлайһығыҙмы? Ә бына юҡ, белемле бәшмәкселәр ғинуарҙа бәшмәк йыйыу миҙгелен аса! Рәсәй эске эштәр министрлығының Туймазы районы буйынса тәфтиш бүлеге начальнигы урынбаҫары Ирина Давыдова күп йыллыҡ стажы булған бәшмәксе.

Ғүмерендә бер тапҡыр ҙа ул урмандан буш кәрзин менән өйөнә әйләнеп ҡайтмай. Бәшмәктәрҙе ул еҫ буйынса таба. Ирина Давыдова йыл әйләнәһенә бәшмәк йыя.

Быйыл ул бәшмәк миҙгелен ғинуарҙа асты - фламмулина (бәрхәт аяҡлы) һәм устрица вешенкаһын йыя.

Фламмулина бик ҡыҙыҡла үҫемлек, ул һыуыҡтарҙа күпселек бәшмәктәр кеүек туңмай, ә йоҡлай, тип аңлата Ирина Анатольевна. - Йылытҡанда ул үҫеүен дауам итә. Уны шулай уҡ ҡышҡы опенок тип тә атайҙар. Устрица вешенкаһы ла түбән температураны ярата, әммә һыуыҡтарҙа ул үҫеүен туҡтата. Был бәшмәктәрҙе ҡыҙҙырырға, маринадларға, уларҙан һурпа әҙерләргә мөмкин.

Ирина Давыдованың социаль селтәрҙәге фотоһы.

Туймазыла йәшәүсе ҡатын бәшмәк миҙгелен ғинуарҙа асты

Автор:Гаухар Фазуллина

Читайте нас: