Туймазы районында юннаттарҙың төбәк слёты үтте

Октябрь башында Ҡандракүл буйында «Башҡортостандың йәшел эҙе» экологик слёты ойошторолдо. Унда республиканың 500 ҡатнашыусыһы араһынан һайлап алынған 70 финалист йыйылды. Сараны Туймазы ҡалаһының Балалар (үҫмерҙәр) ижады һарайы белгестәре «Беренселәр хәрәкәте» гранты ярҙамында үткәрҙе.

Слётта төрлө район һәм ҡалаларҙан ете команда ҡатнашты. Балалар оҫталыҡ дәрестәрендә, тәбиғәтте өйрәнеү уйындарында булды, Ҡандракүлдең экологияһы менән танышты, ҡоштарҙы күҙәтте һәм күлдең картаһын төҙөргә өйрәнде. Шулай уҡ «Рәсәй һыуҙары» акцияһына ҡушылып, күл ярын сүп-сарҙан таҙартты.