Башҡортостанда СВО-ла ҡатнашыусыларҙың ғаиләләре өсөн льготалар киңәйтелде

Махсус хәрби операцияла ҡатнашыусыларҙың һәм «БАРС» подразделениеһы яугирҙәренең ғаиләләре балалар баҡсаһы өсөн ата-әсә түләүенән азат ителде. Тейешле ҡарарға Башҡортостан Премьер-министры ҡул ҡуйҙы.

Льгота шулай уҡ һәләк булған йәки хәбәрһеҙ юғалған хәрби хеҙмәткәрҙәрҙең ата-әсәләренә, хеҙмәт ваҡытында яраланған йә ауырыуға дусар булған МХО-ла ҡатнашыусыларға ла ҡағыла.

Балалар баҡсаһына бушлай йөрөү хоҡуғы Башҡортостанда йәшәгән Рәсәй Федерацияһы граждандарына бирелә.