Ришат һәм Әлиә Төхвәтуллиндар улдарын күҙ тейеүҙән һаҡлай

Яҡташтарыбыҙ, популяр йырсылар Ришат Төхвәтуллин менән Әлиә Төхвәтуллина-Ҡарасурина күптән түгел икенсегә ата-әсәй булған. Уларҙың Райан исемле улдары тыуған.

Әлиә әйтеүенсә, бала ашығыс рәүештә донъяға килгән, шуға күрә Ришат бала табыуҙа ҡатнаша алмаған — ул улы тыуғас ҡына килеп еткән. Исемде йәш ата-әсәйҙәр алдан төҙөгән исемлек эсенән һайлаған.

Ни өсөн һеҙ өлкән улығыҙҙы социаль селтәрҙә күрһәтмәйһегеҙ, тигән һоруға Әлиә ошолай тип яуап биргән.

– Мин күҙ тейеүгә ышанам тип әйтә алмайым. Мин был хаҡта бөтөнләй уйламаймын. Әммә Ришат быға ышана, шуға күрә беҙ улдарыбыҙҙың фотоларын һалмайбыҙ.

Шулай итеп, йырсылар улдарының фотоларын социаль селтәрҙәргә һалмай. Был ҡарарҙы улар Ришаттың күҙ тейеүҙән һаҡланыуына бәйләй.

Фото: Ришат Төхвәтуллиндың социаль селтәрҙәге сәхифәһенән.