«Урал батыр» рухы балалар күңелендә

Бында эпостың төп геройҙары, башҡорт халҡының боронғо йолалары һәм ҡиммәттәре сағылыш тапҡан. Тәрбиәселәр балаларға Урал батырҙың изгелек, намыҫ, ғәҙеллек һәм дуҫлыҡ хаҡына көрәше тураһында һөйләр. Әкиәт һәм риүәйәттәр аша кескәйҙәр яҡшылыҡтың һәр саҡ яуызлыҡты еңеүенә инана, тыуған ерҙе яратырға һәм һаҡларға өйрәнә.

«Урал батыр» эпосы — халҡыбыҙҙың күңел көҙгөһө, быуындан быуынға тапшырылған бөйөк рухи ҡомартҡы. Уны балаларға бәләкәйҙән танытыу — милли үҙаңды тәрбиәләүҙә мөһим аҙым.

Мәктәпкәсә йәштәге балалар донъяны ғәжәпләнеү һәм шатланыу аша танып белә. Тарихҡа, тыуған яҡҡа һәм халыҡ мираҫына ҡыҙыҡһыныу ҙа тап ошо хис-тойғоларҙан башлана. «Батыр» балалар баҡсаһындағы матур мөйөш кескәй йөрәктәрҙә башҡорт рухына һөйөү һәм ғорурлыҡ уята.