Туймазынан ҡәйнәһен һәм ҡатынын яндырған пенсионерға 16 йыл колония бирҙеләр

Башҡортостандың Юғары судында 67 йәшлек ғәйепләнеүсе үҙенең ғәйебен танымаған.

Хәтерегеҙгә төшөрәбеҙ: 2025 йылдың майында иҫерек пенсионер ҡатыны менән әрләшкән. Ул ҡатынына һәм фатир коридорына бензин һибеп, янғын сығарған. Һөҙөмтәлә ҡатыны һәм һаулыҡ торошо арҡаһында аҙ хәрәкәтләнгән 86 йәшлек ҡәйнәһе һәләк булған.

Янғын фатирҙы тулыһынса юҡ иткән, шулай уҡ күрше торлаҡҡа ла зыян килтергән. Зыяндың дөйөм күләме 720 мең һумдан ашҡан.

Ғәйепләнеүсе үҙенең ғәйебен танымай. Ул ҡатынын да, ҡәйнәһен дә яратыуын белдергән.