Октябрьскийҙан Ҡан хеҙмәте табибы Памирҙы яуланы!

Республика ҡан тапшырыу үҙәгенең Октябрьскийҙағы филиалы етәксеһе Ришат Нәзип улы Исхаҡов мотоциклда 8000 км-ҙан ашыу юл үтеп, Памирҙағы Хушанг тауының 4555 метр бейеклеккә күтәрелгән. 

Сәйәхәт Оренбург, Ҡыҙылорда, Төркөстан, Шымкент, Ташкент, Душанбе һәм Ош ҡалалары аша үткән. Маршруттың иң ҡатмарлы өлөшө Пәндж йылғаһы буйлап, Афғанстан һәм Ҡытай сиге янында һуҙылған. 

34 йыллыҡ эш стажы булған юғары категориялы табип-трансфузиолог Ришат Исхаҡов — шулай уҡ уңышлы пилот, донъя һәм Европа чемпионаттары призеры.