Туймазы районында әһәмиәтле осрашыу үтте

Хәрби бурысын үтәгәндә һәләк булған геройҙың әсәһе Ирина Чернова үҙебеҙҙең яландарҙан йыйылған үләндәрҙе үҙәккә тапшырҙы. Был бүләктәр тиҙҙән яугирҙарға таратыу өсөн әҙерләнәсәк.

Был эшкә Тыныс позывнойлы хеҙмәт итеүсе яугирҙың өләсәйе лә ихлас ҡушылды. Был — берҙәмлек һәм яугирҙарыбыҙға терәк булыуҙың матур өлгөһө.

Үҙәктең баш белгесе Гөлмирә Бикбулатова Тынысҡа «Маскита» ирекмәндәренән йылы йөн билбау һәм үлән сәйҙәре тапшырҙы.

Яугирҙар ил һағында торғанда, тыл уларҙың ғаиләләрен хәстәрләй, йолаларҙы һаҡлай һәм һәр ваҡыт уларҙың артында ышаныслы халыҡ тороуын иҫкәртә.