Таҙа һәм бөхтә ауыл һәр беребеҙҙән башлана!

Шаран ауылында Йәштәр Үҙәге белгестәре Гөлназ Бикмиева, Альбина Ғиниәтова, Алмаз Зәйҙуллин һәм ирекмәндәр Анастасия Далжанова менән Виолетта Ильясова «Таҙа Шаран» экологик акцияһын ойошторҙолар.

Акцияның маҡсаты — ауылды сүп-сарҙан таҙартыу, йәштәрҙә һәм халыҡта экологик мәҙәниәт тәрбиәләү, тыуған ергә һаҡсыл ҡараш булдырыу. 

Тәбиғәтте һаҡлау — һәр кемдең бурысы. Ҡалдыҡтар тупраҡҡа, һыуға зыян килтерә һәм янғын хәүефен арттыра. Шуға күрә барлыҡ кешеләрҙе, йәштәрҙе һәм ойошмаларҙы экологик акцияларға әүҙем ҡушылырға саҡырабыҙ! 

Бергәләп республикабыҙҙы таҙараҡ, йәшелерәк итәйек!