Туймазынан Луганск халыҡ республикаһына 68-се гуманитар ярҙам ебәрелде

«Маскита» клубы волонтерҙары, эшҡыуарҙар һәм предприятиелар коллективтары яугирҙар өсөн маскировка селтәрҙәре, кейемдәр, йылы әйберҙәр, төҙөлөш материалдары, инструменттар, аккумуляторҙар һәм башҡа кәрәкле әйберҙәр әҙерләне. Серафимовка балалар йорто госпиталь өсөн инвалид коляскалары тапшырҙы.

Йөктөң һуңғы тейәлеүендә, кискә табан, район хакимиәте башлығы Булат Мусин, хакимиәт башлығы урынбаҫары Рөстәм Таюпов һәм эшҡыуарҙар ҡатнашты.

Булат Мусин гуманитар ярҙам әҙерләүҙә ҡатнашҡан бөтә туймазыларға рәхмәт белдерҙе һәм был эштең уртаҡ маҡсатҡа — Еңеүгә хеҙмәт итеүен һыҙыҡ өҫтөнә алды.