Мәҙәниәттәр диалоге: Туймазыла йылы һәм илһамлы осрашыу

Шаран районының Дүртөйлө ауылынан килгән Алёна Иванова ҡыҙы Марина менән бергә үҙ эштәрен тәҡдим итте. Алёна Исаевна сыуаш мәҙәниәтен һәм йолаларын тергеҙеү эшенә ҙур һөйөү менән ҡарай: ул баш кейемдәре һәм күкрәк биҙәүестәре эшләй, тегә, сигә. Марина ла әсәһенә теләп ярҙам итә — алҡалар һәм йөҙөктәр эшләй. Шулай итеп, быуындан быуынға оҫталыҡ ҡына түгел, ә мәҙәни мираҫ та тапшырыла.

Осрашыуҙа ҡатнашыусыларҙың, шул иҫәптән туҡыу оҫталарының һорауҙарына яуап биреп, Алёна Исаевна былай тине:

«Был биҙәүестәрҙе мин ике йылда эшләнем. Мин әле өйрәнәм, миңә тағы ла күп нәмә белергә кәрәк».

Был һүҙҙәрҙә — камиллыҡҡа ынтылыш, үҙ эшенә тоғролоҡ һәм йолаларҙы һаҡлап ҡалыу юлын дауам итергә әҙерлек сағыла.

Бындай осрашыуҙар милләт-ара дуҫлыҡты нығыта, халыҡтарҙың үҙенсәлеген һаҡларға ярҙам итә һәм шул уҡ ваҡытта улар араһында ныҡлы бәйләнештәр булдыра. Тап тәжрибә уртаҡлашыуҙа, йолаларҙы бергәләп өйрәнеүҙә ысын аңлашылыу тыуа — ә ул күп милләтле йәмғиәттә татыу йәшәүҙең ышаныслы нигеҙенә әйләнә.