

Башҡортостандың атҡаҙанған артисы һәм Татарстандың халыҡ артисы Ришат Төхвәтуллин рус телендә йыр сығарҙы. Композицияның исеме — «Не буду помнить». Йырсы быйыл рус телендә яңы альбом сығарасағын хәбәр итте.
«Был — яңы кеше лә түгел, үткән менән хушлашыу ҙа түгел. Был — минең тағы бер өлөшөм. Ул минең яңы музыкаль киңлегем, унда мин башҡаса яңғырай алам», — тип яҙҙы Төхвәтуллин.