Туймазы предприятиесенең асфальт-бетон корылмасы унынчы мизгелен “ачты”

Без бирегә эшчеләр су насосын көйләгән вакытта килдек. Җайланма үзе күптән эшкә кушуларын көтә – бу аның юбилейлы, унынчы мизгеле.

Асфальт-бетон заводы эшенә Алексей Голубев җитәкчелек итә. Аның белән бергә асфальт җитештерүдә оператор Олег Федоров белән битум кайнатучы Сергей Скабельков мәшгуль. Җайланмада Б2 һәм Б3 маркалы асфальт җитештерелә – вак һәм эре бөртекле. Кайсыдыр чокырлар ямаганда кулланыла, икенчесе – тоташ түшәмә өчен.

Кайнар асфальт төялгән ун тонналы тәүге машина объектка төштән соң кузгалды. Аны Октябрьнең 70 еллыгы урамында бетон ташучы автомобильләр җиһазлау заводы каршындагы юл кичүеннән башлап юлларны ремонтлаучы эшчәннәр аны сабырсызланып көтә.

Бу көнне завод әлеге участокка 25 тонна асфальт озатты. Ул юл кичүенә килгән урынның беренче катын салуга киткән. Беренче катламнан соң икенчесе салыначак – биредә чокырлар тирән, бер катлам белән чикләнеп булмаячак. Тоташ алганда бу өлештә юлчылар 850 квадрат метрлап мәйданны тоташлап ремонтлаячак. Шулай ук ике яклап та тоннельгә кергән юлларны ремонтлауга әзерлек бара.

“ТХ” белешмәсе

Башкортстанда 2026 елда “Тормыш инфраструктурасы” гомумдәүләт проекты буенча 200 километрлап юл һәм 15 күпер ремонтланачак. Юлчылар шулай ук бакчачылар ширкәтләренә тоташ алганда 17,5 км озынлыгындагы 14 юлны, даими мөрәҗәгатьләр килгән 120 ки юлны тәртипкә китерүне күздә тота. 2025 елда республикада 355 км юл һәм 11 корылма ремонтланган.