Туймазы театры өсөнсө тапҡыр «Ҙур гастролдәр» программаһында ҡатнаша

Туймазы татар драма театры конкурс буйынса һайлап алыуҙы үтте һәм Рәсәй Мәҙәниәт министрлығының Бөтә Рәсәй гастроль-концерт планы сиктәрендә Ҙур гастролдәр федераль программаһының төбәк-ара йүнәлешендә ҡатнашты.

Һайлап алыуға бөтәһе 500-ҙән ашыу ғариза килгән. Театр абруйлы проектта өсөнсө тапҡыр еңеүсе була. Көҙ көнө программа сиктәрендә Дербент ҡалаһында (Дағстан Республикаһы) Туймазы театры сығыш яһай һәм Табасаран дәүләт драма театры гастролдәре беҙҙә үтәсәк.