«Сатраш» уйнағаның бармы?

Сарала йәмәғәт ойошмалары етәкселәре, мәктәп уҡытыусылары һәм уҡыусылары, алты халыҡ вәкилдәре: урыҫтар,башҡорттар, татарҙар, сыуаштар, мариҙар, украиндар ҡатнашты.

Һәр ҡатнашыусы үҙ халҡының мәҙәниәте, уның тарихы, милли йолалары һәм ғаилә ҡиммәттәре тураһында һөйләне. Түңәрәк өҫтәлдең ғәмәли өлөшө халыҡ уйындары аша традицион мәҙәниәт элементтары менән танышыуға арналды. Ҡатнашыусылар улар тураһында һөйләп кенә ҡалманы, ә уйындарҙы бөтәһе менән бергә уйнаны.

Башҡорттарҙың традицион «Сатраш» уйыны айырыуса ҡыҙыҡһыныу уятты — ул иғтибарлылыҡ, хәрәкәттәрҙең теүәллеге һәм уйынсылар араһында үҙ-ара эш итеүҙе талап иткән парлы уйын.

Сараның һуңғы этабы булып «Дуҫлыҡ ағасы» коллектив ижади эш булды. Бөтә ҡатнашыусылар бергәләп халыҡтар берҙәмлеген кәүҙәләндергән символик ағасты йыйҙы. Был процесс берҙәмлек һәм үҙ-ара ихтирам атмосфераһында үтте. «Дуҫлыҡ ағасы»н булдырыу, мәҙәниәт һәм традицияларҙағы айырмаларға ҡарамаҫтан, бөтә халыҡтарҙың дөйөм ҡиммәттәр, тыныслыҡҡа, үҙ-ара аңлашыуға һәм хеҙмәттәшлеккә ынтылыш менән берләшеүен символлаштырҙы.