Туймазылағы мәшғүллек үҙәге директоры Башҡортостан башлығының Мөрәжәғәтнамәһенә

Республика халыҡ мәшғүллеге үҙәгенең Туймазы районы буйынса филиалы директоры Илгиз Сәғитов Радий Хәбировтың республика Дәүләт Йыйылышына Мөрәжәғәтнамәһенә тураһында:

- Йыл һайын Радий Хәбировтың республика Дәүләт Йыйылышына киләһе йылға бурыстар ҡуйған Мөрәжәғәтнамәһен тыңлайым. Хәҙер уларҙың иң мөһиме - махсус хәрби операцияла ҡатнашыусыларға һәм уларҙың ғаилә ағзаларына ярҙам итеү. Беҙҙең үҙәктә был йүнәлештә әүҙем эш алып барыла. Былтыр сентябрҙә «Ватанды Һаҡлаусылар» фонды филиалы менән бергә МХО-нан демобилизацияланған егеттәр өсөн «Ирҙәр клубы» ойошторҙоҡ. Клубтың төп маҡсаты - тыныс тормошҡа ҡайтҡанда ветерандарға адреслы ярҙам күрһәтеү. Тәү сиратта, был эшкә урынлашыу, яңы һөнәрҙәр үҙләштереү, социаль адаптация. Клубта осрашыуҙар ай һайын үтә. Белгестәребеҙ ир-егеттәрҙе дәүләт ярҙамы саралары, халыҡ мәшғүллеге үҙәге хеҙмәттәре менән таныштыра. «Ирҙәр клубы» эшенә эш биреүселәрҙе, райондың профилле хеҙмәттәрен йәлеп итергә ниәтләйбеҙ.