Туймазынан уҡыусылар МХО яугирҙары өсөн кәбеҫтә тоҙланы

Туймазы ҡалаһының 4-се мәктәбендә махсус операция хәрбиҙәренә тәүге йыл ғына ярҙам итмәйҙәр: техника һатып алыуға аҡса йыялар, маскировка яһайҙар, хаттар яҙалар, дарыуҙар, аҙыҡ-түлек, гигиена саралары менән посылкалар ебәрәләр.

Был юлы бында кәбеҫтәне тоҙлағандар — 70 өс литрлы банка! Быяла һауытты уҡытыусылар һәм уҡыусыларҙың ата-әсәләре алып килде, кәбеҫтә менән «Миләш» йәмғиәте етәксеһе тәьмин итте.

Технология дәрестәрендә 7, 8 һәм 9-сы класс ҡыҙҙары Резеда Ғирфанова, Айгөл Хәйетова һәм Динара Закирова етәкселегендә әҙерләгәндәр. 6-сы класс уҡыусылары Ләйсән Мәрҙәмшина менән бергә әҙер продукцияны ҡумталарға  төрөп, этикеткалар йәбештерҙе. Был кәбеҫтәнең беренсе партияһы түгел. Бынан алда мәктәп хәрбиҙәргә 74 өс литрлыҡ банка ебәргәндә инде.

Фото: 4-се мәктәптең социаль селтәрҙәренән.