Туймазы районында милли кейем фестивале үтте

Серафимовка ауылының мәҙәниәт йортонда II РАЙОН милли кейем фестивале үтте. Унда бөтә Туймазы районынан ижади коллективтар һәм оҫталар ҡатнашты.

 Конкурс программаһы ике номинацияла үтте: «Милли этнографик костюм» һәм «Милли сәхнә костюмы». Ҡатнашыусылар үҙҙәренең кейемдәрен күрһәтте, улар араһында башҡорт, татар, урыҫ, үзбәк костюмдары ла бар ине. Һәр ҡатнашыусы уларҙың тарихын, материалдарҙың үҙенсәлектәрен һәм ижад технологияһын һөйләне. Шулай уҡ конкурсанттар ижади номерҙар тәҡдим итте.

Фестивалдә Кендектамаҡ, Иҫке Туймазы, Иҫке Ҡандра, Үрге Троицк, Яңы Бишенде, Үрге Бишенде, Үрмәкәй, Бишҡурай, Дуҫлыҡ, Ермөхәмәт, Николаевка, Төмәнәк, Ҡандракүл, Ҡарамалы-Ғөбәй, Илсембәт һәм Түбәнге Троицк, Ҡандра ауылдарының мәҙәниәт йорттары вәкилдәре ҡатнашты.