Хабар районда үткәрелгән хәрби-патриотик сараларҙа ҡатнаша

«Таҫма» артында уны Хабар позывнойы буйынса беләләр. Ул күп миналарҙы зарарһыҙландыра, тимәк, беҙҙең һалдаттарҙың ғүмерен ҡотҡара. Йәш сағында Туймазынан ауыл хужалығы машиналары техник-механик һөнәрен ала. Нижневартовскиҙа эшләй, төҙөлөш фирмаһы заказы буйынса полипропилен торбалар монтажлай.

- Армияға эләкмәнем, медицина комиссияһын үтмәнем, – тип һөйләй ул. Әммә ваҡыт үтеү менән тағы ла бер барып ҡарарға ҡарар иттем. Хәрби комиссариатҡа килдем, табиптар мине автобатта хеҙмәт итергә яраҡлы тип таба. Хабаровск эргәһенә хеҙмәт итергә ебәрҙеләр. Һуңынан контракт төҙөнөм һәм армияла 10 йыл хеҙмәт иттем. Генералдың водителе булдым, йөк машиналарының двигателдәрен ремонтланым. «Гражданка»ға сыҡҡандан һуң төҙөлөш өлкәһенә ҡайттым, хатта алты эшсе һөнәрен үҙләштерҙем. Әммә күңелемдә мин һәр ваҡыт хәрби булып ҡалдым. Хеҙмәт итеү теләге лә юҡҡа сыҡмайны. Махсус хәрби операция башланғас, 2023 йылдың июнендә Рәсәй Оборона Министрлығы менән контракт төҙөнөм, минең артымдан ҡустым китте. Дөйөм ғәскәр әҙерлегенән тыш, мин саперҙар эшенә өйрәндем. Беҙ тиҫтәләгән ватан һәм нато миналарын өйрәндек.

Хабарҙы отделение командиры итеп тәғәйенләйҙәр һәм ЛНР-ға ебәрәләр.

• 2023 йылдың декабрендә яраландым. Реабилитациянан һуң командир миңә Жуков миҙалын тапшырҙы.

Әле һалдаттың хәрби тормошо тамамланды. Хабар районда үткәрелгән хәрби-патриотик сараларҙа ҡатнаша. Мәктәп уҡыусылары һәм студенттар менән осраша, батырлыҡ дәрестәре үткәрә, ни өсөн егеттәргә үҙҙәрен армияға әҙерләргә кәрәклеген аңлата.

- Хәҙер эш эҙләйем. Урындағы мәшғүллек үҙәгенә мөрәжәғәт иттем. Эш биреүселәрҙән бер нисә тәҡдим булды. Әлегә һайлайым. Эшһеҙ ҡалыуҙан ҡурҡмайым. Беренсенән, бер нисә һөнәрҙе үҙләштерҙем, икенсенән, яра ныҡ ҡамасауламай. Ҡайҙа ғына мөрәжәғәт итһәм дә, ярҙам һәм ихтирам тойғоһо кисерәм.