Туймазынан студенттар республика уҡыусылар конкурсында еңеү яуланы

Өфө дәүләт технология һәм дизайн колледжында Башҡортостандың 46 техникумы һәм колледжы студенттары араһында «Тере һүҙ» республика конкурсы үтте. Ул ғаилә Йылына бағышланған ине.

Ижади сарала конкурсанттар  XIX- -XXI быуаттарҙағы ватан әҙәбиәте һәм башҡорт әҙәбиәте шағирҙарының ғаилә һәм патриотизм темаһына арналған әҫәрҙәрен уҡыны.

Туймазы педагогия колледжының I курс студенты Екатерина Нечипуренко Ирина Молчанованың шиғырын уҡып, еңеүсе булды. Уны ижади һынауға колледждың рус теле һәм әҙәбиәте уҡытыусыһы Кожевникова Марина Евгеньевна әҙерләне.

II курс студенты Әлиә Әбүнәғимова Назар Нәжмиҙең «Ватан тураһында һүҙ» шиғыры менән өсөнсө урын алды. Ҡыҙҙы конкурсҡа башҡорт теле һәм әҙәбиәте уҡытыусыһы Гөлнара Яхиевна Кәримова әҙерләне.