Туймазы халҡын Сулпан-2 биҫтәһен артабан үҫтереү ҡыҙыҡһындыра

"Беҙҙә дарыухана ла, бер супермаркет та юҡ. Әгәр бер ниндәй ҙә шарттар булмаһа, был микрорайонды ни өсөн төҙөгәндәр? Беҙ сит кешеләр кеүек йәшәйбеҙ. Ҡалаға тиклем барыу өсөн тротуарыбыҙ ҙа юҡ, - тип яҙҙы улар. Туймазы ҡалаһы башлығы Эдуард Рәхмәтуллин аңлатыуынса, быйыл Сулпан биҫтәһендә Үҙәк урамға — Еңеү проспектына асфальт түшәлгән. Микрорайондан автобетоновоздар заводына тиклем тротуар һалыу өсөн смета әҙерләйҙәр. Был эш төрөн башҡарыу өсөн аҡса кәрәк.

— Был биҫтәлә ике бәләкәй шәхси магазин бар, - тип аңлатты ҡулланыусылар баҙары һәм эшҡыуарлыҡ бүлеге етәксеһе Елена Русламханова. - Икеһе лә Еңеү проспектындағы 3-сө йортта урынлашҡан. Улар халыҡтың ағымдағы ихтыяждарын тәьмин итә. Беҙ микрорайонда сауҙа һәм дарыухана эшмәкәрлеген ойоштора алырлыҡ эшҡыуарҙарҙы эҙләү буйынса эш алып барабыҙ.