Туймазы халҡы Хәбировтан юлдың емерелгән участкаһын ремонтлауҙы һораны

Шаран районының күп кенә халҡы Туймазыла эшләй һәм көн һайын ошо юлдан йөрөй. Төмәнәк ауылынан район сигендәге стелаға тиклем бер нисә саҡрым ғына юлды ремонтларға кәрәк.

Баҡалы-Шаран-Туймазы-Бәләбәй республика юлы БР юл хужалығы идаралығы ведомствоһына ҡарай. Ведомствола аңлатыуҙарынса, йәйге осорҙа юл хеҙмәттәре бында соҡорҙарҙы ремонтлаған. Киләһе миҙгелдә ҡабаттан эштәр башҡарыласаҡ.

2024-2026 йылдарға юл япмаһын тулыһынса яңыртыу планлаштырылмай.