Йәш рәссам Радмила Хисмәтуллина космонавҡа автографлы картина бүләк итте

Ҡәләм графигында эшләнгән портретты Туймазы ҡыҙы ошо көндәрҙә Өфөлә үткән осрашыу ваҡытында летчик-космонавҡа тапшырҙы. Летчик-космонавт эштән ҡәнәғәт ҡала һәм йәш рәссамдан автограф ҡалдырыуын һорай. Ул Радмиланан уның ҡайҙа уҡыуын һәм кем булырға ниәтләүен һорай, ижадта уңыштар теләй.

Космонавтар менән был осрашыу Радмиланың тормошонда берҙән-бер осраҡ түгел. Бынан алда ул Башҡортостандың йәш рәссамдар делегацияһы составында Мәскәү өлкәһенең Йондоҙло ҡаласығына барҙы. Осрашыуҙарҙы «ArtTimstudio» сәнғәт мәктәбе етәксеһе Айнур Тимерғәлиев ойоштора, Радмила Туймазы сәнғәт мәктәбен тамамлағандан һуң бында уҡый башлай.