Туймазыла этнодизайнер пенсионерҙар өсөн оҫталыҡ дәресе үткәрҙе

Туймазыла этнодизайнер һәм «Тамға» ижади берекмәһе етәксеһе Зөлфиә Краснова башҡорт һәм татар ҡатын-ҡыҙҙарының традицион баш кейемдәрен эшләү буйынса оҫталыҡ дәресе үткәрҙе.

Оҫталыҡ дәресендә ҡатнашыусылар баш кейемдәренең тарихы һәм үҙенсәлектәре менән танышты. Ҡашмау, ҡалфаҡ, түбәтәй тегеү серҙәре менән танышты.

Зөлфиә Краснова ҡатын-ҡыҙҙарға башҡорт һәм татар ҡатын-ҡыҙҙарының баш кейемдәренә хас булған биҙәк һәм биҙәк элементтары хаҡында һөйләне. Теориянан һуң оҫталыҡ дәресендә ҡатнашыусылар практикаға күсте.

Фото - З. Краснованың архивынан.