Туймазыла «Тәбиғәт йәне» әҙәби премияһы еңеүсеһенең исемен атанылар

"Тәбиғәт йәне" Бөтә Рәсәй әҙәби премияһы лауреаттарының береһе -Туймазынан Дамир Ҡадиров. Жюри уның «Гришкин менталитет» хикәйәләр йыйынтығын баһаланы.

Дамир Кәрип улы - «Алтын башак» әҙәби берекмәһе ағзаһы, бер нисә йыл «Туймазинский вестник» гәзитендә эшләй, байтаҡ китаптар авторы. Яҡташыбыҙ тураһында бына нимә тине конкурстың жюри ағзаһы, Башҡортостанда билдәле журналист Алик Шакиров:

- Беҙ Дамир менән Башҡорт дәүләт университетында уҡыныҡ. Ул инде 40 йыл яҙа. Уның повестары һәм хикәйәләре геройҙары, ҡағиҙә булараҡ, ауыл халҡы, уларҙы уратып алған тәбиғәт. Һәр повеста тиерлек фәлсәфәүи мәғәнә ҡаралған, киҫкен социаль проблемалар асыла. Уның хикәйәләрендә юмор күп, ә телен Андрей Платонов әҫәрҙәренең теле менән сағыштырыр инем, ул шул тиклем үҙенсәлекле һәм ҡабатланмаҫ.

Туймазыла китап уҡыған халыҡ йәшәй. Шуға Күрә Дамир Ҡадировты уҡырға кәңәш итәм, уның китаптары бөтә китапханаларҙа ла бар.