Туймазыла махсус мәктәп тәрбиәләнеүселәре МХО яугирҙары өсөн ҡоро душ яһайҙар

Серафимовка ауылының махсус мәктәбендә хеҙмәт уҡытыусыһы Эльвира Ибраһимова етәкселегендә тәрбиәләнеүсе ирекмәндәр МХО яугирҙары өсөн ҡоро душ әҙерләү менән шөғөлләнә.

Ҡоро душ - ул гигиена йыйылмаһы. Уның составына күбекле губка һәм  таҫтамал инә. Директор Рәшит Аҙнағолов балаларға ошондай йыйылмалар эшләргә тәҡдим итте. Был идея йәш ирекмәндәргә оҡшай. Эльвира Ринатовна менән бергә улар интернеттан инструкция табалар. Ҡоро душ өсөн кәрәкле ингредиенттарҙы мәктәп хеҙмәткәрҙәре йыйған аҡсаға һатып алалар.

Йәйге каникулдар айында Эльвира Ринатовна тәрбиәләнеүселәре Роман, Владислав, Александр һәм Рамазан менән бергә 100 ҡоро душ пакетын эшләй. Уларҙы гуманитар конвой менән МХО зонаһына ебәрәләр.