Туймазы районынан СВО яугиры хеҙмәттәштәрен ҡотҡарғанда һәләк булған

Кисә Туймазы районының Тимербай ауылында 46 йәшлек яугир Фәһим Хәйруллин менән хушлаштылар.

Уны һуңғы юлға ауылдаштары, туғандары, дуҫтары һәм хеҙмәттәштәре оҙатты.

Улар барыһы ла Фәһим Ғамир улын бик тырыш кеше булараҡ иҫкә ала.

 – Ул алтын ҡуллы кеше ине, - тип һөйләй күршеһе Вәсилә Абзалетдинова. Фәһим ата-әсәһе менән бергә йәшәй, улар тураһында хәстәрлек күрә ине. Һөнәре буйынса ул ташсы-монтажсы, атаһы менән ике ҡатлы матур йорт төҙөйҙәр. Ҙур теплица тоталар. Фәһим техниканы яҡшы белә. Хеҙмәт итеү осоронда ул ике тапҡыр ялға ҡайтты. Туғандарын бик яратты.

Фәһим

Ғамир улы 2022 йылдың октябрендә мобилизациялана. Июнь аҙағында һәләк була. Яугирҙың хеҙмәттәштәре уның батыр булараҡ һәләк булыуын, иптәшен ут аҫтынан ҡотҡарып ҡалыуын һөйләне. Батырлығы өсөн Рядовой Хәйруллин үлгәндән һуң Батырлыҡ ордены менән бүләкләнә. Награданы яугирҙың ата-әсәһенә тапшырҙылар.