Ҡандра китапханаһы менән ӨДНТУ 3-сө курс студенты Илүзә Хәнипова таныштырҙы. Уның «Әсхәт Мирзаһитов – драматург һәм дәүләт эшмәкәре» ғилми-тикшеренеү эше «Өфө үҫешенә өлөш индергән яҡташымдың шәжәрәһе» номинацияһында беренсе урын алды.
Илүзә яҡташыбыҙҙың Өфө үҫешенә индергән өлөшө хаҡында материал тәҡдим итте, Әсхәт Мәсғүт улының хеҙмәт һәм йәмәғәт эшмәкәрлеге йылдарында ҡаланың тарихи-мәҙәни тормошонан аҙ билдәле факттар хаҡында һөйләне.
Шулай уҡ тикшеренеү эштәре етәксеһе, Ҡандра ауыл балалар моделле китапханаһының төп китапханасыһы Миләүшә Хәниповаға рәхмәт хаты тапшырылды.