Фестивалдә Башҡортостандың 7 муниципаль районынан (Ауырғазы, Бишбүләк, Бүздәк, Кушнаренко, Туймазы, Тәтешле, Йәрмәкәй райондары) һәм Дәүләкән районының 15 коллективынан талантлы үҙешмәкәр коллективтар ҡатнашты. Фестивалдең һәр еңеүсеһе гала-концертта эстрада эшкәртеүендә бер халыҡ йырын тәҡдим итте.
Туймазы районынан Ҡандракүл аулының «Тылсым» башҡорт халыҡ фольклор ансамбле сығыш яһаны. Ансамбль менән Зөлфиә Яхина етәкселек итә. Туймазы йырсылары сағыу һәм ижади сығыштары өсөн еңеүсе дипломы менән бүләкләнде.