Туймазыла табиптар «Амулет " беләҙеген алыу өсөн исемлек төҙөй

Башҡортостанда деменция, шәкәр диабеты, менталь инвалидлығы булған пациенттарға «Амулет» беләҙектәре биреләсәк, улар кәрәк булғанда кешене тиҙ арала идентификациялауға ярҙам итәсәк. Был хаҡта Башҡортостандың һаулыҡ һаҡлау министры Айрат Рәхмәтуллин һөйләне.

Бынан алда республика башлығы Радий Хәбиров төбәк һаулыҡ һаҡлау министрлығына NFC-технологиялы беләҙектәр алыусыларҙың категорияларын билдәләргә ҡушты. Браслетта кешенең фамилияһы, исеме, атаһының исеме, яҡын туғандарының телефондары һәм һаулыҡ үҙенсәлектәре тураһында мәғлүмәт туплана. Әгәр бындай беләҙекле кеше юғалһа, уны таныу һәм уның туғандары менән бәйләнешкә инеү еңеләйәсәк.

Беләҙекте алыу өсөн Туймазы районында шәкәр диабеты менән сирләгән оло йәштәге кешеләр 2-се поликлиникаға 109-сы, 111-се кабинеттарға килә ала. Ғаризаны ағымдағы йылдың 27 апреленә тиклем ҡалдырырға кәрәк.