Туймазы районы башлығы махсус хәрби операция зонаһына гуманитар ярҙам алып барған

Туймазы районы башлығы Айҙар Суфиянов махсус хәрби операция зонаһынан ҡайтты. Ул яҡташ яугирҙарға сираттағы гуманитар ярҙам тапшырҙы.

Яугирҙарға посылкалар, балалар хаттары, маскировка селтәрҙәре, генераторҙар, инструменттар, йылы кейем, мендәрҙәр, окоп шәмдәре һәм башҡа бик күп әйберҙәр тапшырылды – бөтәһе биш тоннаға яҡын кәрәкле йөк. Бынан тыш, хәрбиҙәргә ике УАЗ автомобиле тапшырылды.

Уларҙың береһен «Универсаль быраулау сервисы» ойошмаһы етәксеһе Нурислам Шафиҡов Ҡандра ауылынан Моторола позывнойлы яугиргә  ебәргән. Икенсе УАЗ «Туймазыгорэлектросеть " акционерҙар йәмғиәтенән. Шулай уҡ СВО зонаһына скутер алып баралар, уны «Титанум» ойошмаһы етәксеһе Илшат Мәрҙәнов һатып ала. Еңел һәм маневрлы транспортты хәрбиҙәр лайыҡлы баһалаған да инде.