Туймазы районында "Ағинәйҙәр ҡоро" йәмәғәт берекмәһе вәкилдәренең осрашыуы үтте

Сарала киләсәккә пландар билдәләнде, маҡсаттар ҡуйылды һәм "Ағинәйҙәр ҡоро"на яңы етәксе һайланды.

Йәмғиәттең яңы етәксеһе - Туймазы районының Дуҫлыҡ ауылы мәҙәниәт йортонда эшләүсе Әлфирә Ситдиҡова. Ул башҡорт костюмдарының тарихын өйрәнә, милли камзулдар һәм баш кейемдәрен тегеү менән мауыға.

Ағинәйҙәр эш планын төҙөнө, Башҡорт тарихи-мәҙәни үҙәге менән берлектә төрлө конкурс һәм фестивалдәрҙә ҡатнашыуҙы ла һыҙыҡ өҫтөнә алдынды. Төркөмгә яңы исем һайланды һәм йыр, бейеү, төрлө йола, ғөрөф-ғөҙәттәр буйынса сценкалар сәхнәләштереү буйынса ла йәнле әңгәмә ҡоролдо. Ултырышта ҡатнашыусылар дәртләнеп, өр-яңы идеялар менән таралышты.