Октябрьскийҙа иҫерек водитель йәйәүлене бәрҙергән.
Был хаҡта Башҡортостандың ЮХХДИ башлығы Владимир Севастьянов хәбәр итте. 23 мартта кискеһен Яңы Ауыл урамында 23 йәшлек ВАЗ-2114 водителе 33 йәшлек ҡатынды бәрҙергән. Фараздар буйынса, ҡатын ярамаған урындан юл аша сығып барған. Зыян күргән ҡатын урындағы дауаханаға оҙатылған, ләкин табиптар уны ҡотҡара алмаған. Водитель иҫерек булған.
Юл-транспорт ваҡиғаһы факты буйынса тикшереү алып барыла.